 |
DB Preventive system Siswati INDLELA yaJOHN BOSCO |
|
|
1 Pages 1-10 |
▲back to top |
|
|
1.1 Page 1 |
▲back to top |
Seán Murphy, S.D.B.
1
|
|
1.2 Page 2 |
▲back to top |
INDLELA yaJOHN BOSCO LOYINGCWELE YEKUSEBENTELA
BANTFWANA NALABASHA (1)
Kungani kutsi John Bosco akhetsa lendlela yekusebentela bantfwana
nalabasha?
❖ Tentakalo letimbili letilandelako ebuntfwaneni bakhe tamkhanyisela,
tatsintsa kakhulu imphilo yakhe .
▪ Lwati lwakhe ngendlela bapristi nalabadzala labebaphatsa ngayo
bantfwana nalabasha.
▪ Liphupho nome umbono labenawo angumfana loneminyaka
leyimfica.
SENTAKALO SEKUCALA
John Bosco, nakaneminyaka leyimfica, abehamba nenina endleleni leya
ekhaya kusihlwa. Umpristi lotsite abehamba ngaleyondlela futsi.
Nakasondzela, John Bosco wabingelela umpristi ajabulile.
Kodvwa umpristi wendlula athulile.
John Bosco watsi kunina: “Make, akazange angibingelele.”
Unina waphendvula watsi kuye: “Mntfwanami, bapristi banemisebenti
leminengi. Abanaso sikhatsi sekunaka bantfwana.”
John waphendvula watsi: “Kodvwa Jesu abenesikhatsi sekunaka bantfwana.
Na sengingumpristi ngiyawubanesikhatsi sekunaka bantfwana.”
Unina wamoyitela kuphela, acabanga: “Kungenteka kutsi umntfanami abe
ngumpristi. Uhlakaniphile, utsandza kuthandaza nekufundza likhathekhisimu.
Kepha anginamali yekumngenisa esikolweni.”
SENTAKALO SESIBILI
LIPHUPHO laJOHN BOSCO ANGUMFANA LONEMINYAKA LEYIMFICA.
Sitfola umtfombo welibitelo laJohn Bosco embonweni labenawo angumfana
loneminyaka leyimfica.
Kulombono John Bosco abedlala nesicuku lesikhulu sebanfwana nalabasha
ebaleni edvute nasekhaya.
Labanye bebadlala, labanye bebacocisana kodvwa cishe bonkhe bebatiphatsa
kabi. Babelwa. Bebacalekisa. Bebakhumluma emavi lamabi, bebadzelelana.
John Bosco wetama kukhawulisa kutiphatsa kwabo lokubi ngekulwa nabo
nangekubashaya ngetibhakela nangeludvodvolo.
2
|
|
1.3 Page 3 |
▲back to top |
Yase indvodza ibonakala kuye. Buso bayo bebukhanya kangangekutsi
abengakwati kuyibuka. Yabita John Bosco ngeligama lakhe, yamtjela kutsi
ahole, acondzise labobantfwana nalabasha yatsi:
“Utabenta labobantfwana bangani bakho hhayi ngekubashaya ngetibhakela
nekulwa, kodvwa ngemusa nebunene. Ngako-ke cala manje kubakhombisa
kutsi kutiphatsa lokubi akukalungi nekutsi kutiphatsa lokuhle kulungile.
John Bosco watsi kuyo:
“Ngingumfana nje. Kulukhuni kucondzisa lababantfwana.”
Lendvodza yatsi kuye: “Lokubonakala kungatsi kulukhuni ufanele kukwenta
ngemusa nebunene nemfundvo.”
John Bosco waphendvula watsi kuyo: “Ngitakwenta loku kanjani”?
Lendvodza yatsi kuye: “Ngitakunika thishela lotakufundzisa indlela yekufeza
loku.”
John Bosco wabuta watsi:
“Wena ungubani.”
Indvodza yaphendvula yatsi:
“Mhlawumbe awungati. Kodvwa uyamati make wami.”
Yase ivela inkhosikati, yatsi kuJohn:
“Bheka loku lengitakwenta.”
Yacala kukhuluma nalabantfwana nalabasha ngemusa.
Nabo bayekela masinyane kutiphatsa kwabo lokubi.
Yase itsi kuJohn Bosco: “Ufanele kusebentela bantfwana nalabasha,
nekubaholela kuJesu iNdvodzana yami.”
Leyondvodza naleyonkhosikati bebanguJesu nenina wakhe Mariya.
Batsi kuJohn Bosco:
“Sifuna kutsi utinikele ekusebenteleni bantfwana nalabasha hhayi
ngekubashaya ngetibhakela nekulwa nabo, kodvwa ngemusa
nangelutsandvo nangekubafundzisa imitsetfo yaNkulunkulu.”
Kusukela kulesosikhatsi Mariya, unina waJesu, wacondzisa John Bosco
ekuphileni kwakhe konkhe nasemisebentini yakhe yonkhe ngenca
yebantfwana nalabasha.
Kusukela kulesosikhatsi John Bosco akakhohlwanga lowombono nalelobitelo,
watilungisela libitelo lakhe ngemdlandla nangekuciniseka nangekwetsembeka,
nome ahlangana netinkinga netetsiyo letinengi ekutilungiseleleni kwakhe
kuba umpristi.
INDLELA YEKUJEZISA NEKUSONGA NEKWESABISA
❖ Indlela levamile yemfundvo ngesikhatsi saJohn Bosco yabitwa ngekutsi:
INDLELA YEKUJEZISA NEKUSONGA NEKWESABISA.
3
|
|
1.4 Page 4 |
▲back to top |
(OPPRESIVE SYSTEM)
❖ Sisekelo salendlela ngulesi lesilandzelako:
▪ Imitsetfo imenyetelwa ngalokucacile.
▪ Sijeziso sekungagcini imitsetfo simenyetelwa ngalokucacile.
▪ Kungagcini imitsetfo kujeziswa.
▪ Tisekelo talendlela nguleti:
➢ Tinsongo.
➢ Luvalo.
➢ Tijeziso.
➢ Labadzala labaneligunya etikwebantfwana nalabasha
bafanele kukhombisa njalo njalo buso lobungenamusa
nebusongelako, bangabi nebudlelwane nalabo
lababasebentelako.
▪ Lendlela ilula kubothishela nalabo labaneligunya etikwebantfwana
nalabasha; futsi-ke ayinankhatsato kubo.
❖ Asengumfana John Bosco akatsandzanga lendlela yekuphatsa
bantfwana nalabasha. Abengajabuli ngekudvondza kwalabadzala kuba
nebudlelwane nebantfwana nalabasha.
INDLELA yaJOHN BOSCO YEKUSEBENTELA BANTFWANA
NALABASHA.
❖ Indlela yaJohn Bosco beyingesiyo indlela lehleliwe embikwekutsi acala
kusebentela bantfwana nalabasha.
Beyisitselo sekukholwa kwakhe kutsi lowo nalowo muntfu unesitfunti
lesikhulu lesijulile sekudalwa ngemfanekiso waNkulunkulu neselwati
lwakhe lwekusebenta nebantfwana nalabasha.
Sisekelo sendlela yakhe ngulesi lesilandzelako:
▪ Nkulunkulu ulutsandvo.
▪ Lutsandvo lolungenamkhawulo Nkulunkulu latsandza ngalo lowo
nalowo muntfu.
▪ Nkulunkulu wadala bantfu ngemfanekiso wakhe.
▪ Ngako-ke wabadalela imphilo yelutsandvo.
▪ Jesu usibonakaliso salolutsandvo lwaNkulunkulu.
▪ Lutsandvo lolungilo lusho kutsi kudzela kuphila ngenca yalabanye.
▪ Francis de Sales (1567–1622) wasekela etikwelutsandvo nemusa
imisebenti yakhe yonkhe yekukhutsata emakhatholika lahlubukile
eBandleni leliKhatholika kutsi abuyele eBandleni leliKhatholika.
Kulomsebenti Francis de Sales wahlaselwa, wadzelelwa,
waphikiswa, waphatfwa ngendluzula, kodvwa wachubeka
nalomsebenti ngemusa nangelutsandvo. Akazange aphindzisele.
4
|
|
1.5 Page 5 |
▲back to top |
Ngemusa wakhe wasita labanyenti kutsi babuyele eBandleni
leliKhatholika.
▪ John Bosco (1815–1888) abemati Francis de Sales ngekufundza
ngaye etincwadzini.
▪ John Bosco watsandza sibonelo saFrancis de Sales, wakhetsa
kumlingisa emisebentini yakhe.
▪ John Bosco wasekela umoya wakhe nendlela yakhe
yekusebentela bantfwana nalabasha etikwelutsandvo nemusa.
❖ Indlela yaJohn Bosco yeyama etisekelweni letintsatfu letilandzelako:
▪ Ingcondvo ( kucocisana)
▪ Lukholo.
▪ Lutsandvo nemusa.
❖ Indlela yakhe itsintsa ingcondvo.
❖ Indlela yakhe itsintsa inhlitiyo.
❖ Indlela yakhe itsintsa kulangatela kwemuntfu kwati nekudvumisa
Nkulunkulu.
❖ John Bosco wahlala nebantfwana nalabasha kuOratory, eTurin, Italy,
emnyakeni wa-1841, waphila nabo ngesimo sekuphila lesabasita
kukhula kahle emoyeni nasemtimbeni nasemfundvweni.
❖ Wabita lendlela yakhe INDLELA YEKUVIMBELA.
Ngekubakhona kwakhe lokugcwele lutsandvo nemusa
nekunakekela John Bosco wavimbela bantfwana nalabasha bakhe kutsi
bawele etilingweni nasebubini.
❖ John Bosco wasishiyela indlela yekutiphatsa neyekumemetela liVangeli
neyekusebenta kanye nebantfwana nalabasha, lebasita kukhula
njengebantfu labalungile nebafundzi labangibo baKhristu.
❖ Indlela yakhe:
▪ ifanele kutsintsa ngalokuphelele kukholwa kwetfu kuNkulunkulu.
▪ ifanele kutsintsa ngalokuphelele budlelwane betfu bonkhe
nalabanye bantfu.
▪ ifanele kutsintsa ngalokuphelele indlela yetfu yekuphila
emphakatsini ngelutsandvo lolukwati kudvonsela labanye
elutsandvweni.
❖ Lomphakatsi ungaba:
▪ umphakatsi wetindzela.
▪ umphakatsi wemndeni.
▪ umphakatsi wesikolo.
▪ umphakatsi walabasha.
▪ umphakatsi wemakholwa
5
|
|
1.6 Page 6 |
▲back to top |
▪ umphakathi emsebentini.
❖ Indlela yekuvimbela yaJohn Bosco isho kutsi:
▪ kuhlala emkhatsini webantfwana nalabasha ngekubakhona
lokutsandzekako.
▪ kubati kahle.
Jesu watsi: “Umelusi lolungile uyatati timvu takhe, atibite
ngemagama ato.”
▪ kuyati imindeni yakubo nesimo sekuphila kuyo.
▪ kutati tinkinga nebumatima netinkhatsato tabo.
▪ kuwati emasiko abo.
❖ Indlela yekuvimbela yaJohn Bosco yindzaba yenhlitiyo:
▪ Sidzinga kufundza nekweneliseka kutsi sibe khona emkhatsini
webantfwana nalabasha ngekubakhona lokugcwele lutsandvo
nemusa, nekwemukela kutinikela lokudzingekako kute sente
njalo. Sifanele kucondza kutsi imphilo lengiyo yebuntfu idzinga
kutinikela ngenca yalabanye, idzinga kudzela kuphila ngenca
yalabanye.
▪ John Bosco wakhutsata bantfwana nalabasha bakhe kudlala,
kugijima, kugalaja, kuhlabelela, kwenta konkhe esikhundleni
sekwenta tono, naye waba emkhatsini wabo
kulobobukhuphekhuphe bonkhe nakulowomsindvo wonkhe.
Labanye bapristi bebacabanga kutsi John Bosco abeluhlanya!
Bebafuna kumngenisa esibhedlela setinhlanya!
▪ Kodvwa kutiphatsa lokuhle kwakukhona.
▪ Kwakutiphatsa lokwavela elutsandvweni.
Bebati kutsi John Bosco abebatsandza nekutsi abengumngani
wabo.
▪ Ngako-ke, bebajabula kumlalela nekubambisana naye.
❖ Indlela yekuvimbela yaJohn Bosco isho kutsi:
▪ Kusebenta kanye nebantwana nalabasha nekubasebentela.
▪ Kubanika sabelo ekufezeni likusasa labo.
▪ Kuhlonipha sitfunti salowo nalowo wabo.
▪ Kucondza kutsi lowo nalowo ungumntfwana waNkulunkulu.
SISEKELO SEKUCALA SENDLELA SEKUVIMBELA – INGCONDVO -
KUCOCISANA.
John Bosco usikhombisa kutsi nangabe siphatsa bantfwana nalabasha
ngengcondvo, sibasita kucabanga ngekuphila kwabo.
❖ Sibakhutsata kucabanga ngekuphila kwabo nangekutiphatsa kwabo.
6
|
|
1.7 Page 7 |
▲back to top |
❖ Sibeka embikwabo insayeya yekwemukela sibopho ngekuphila kwabo.
❖ Siyabemukela ebunjanini lesibakhandza kubo, kodvwa sibeka
embikwabo insayeya yekukhula kute babe bantfu labalungile
nemakholwa latsembekile.
TELULEKO LETINGASITA EKUPHILENI KWEMALANGA ONKHE.
Leteluleko tingasisita kutsi siphatse ngengcondvo bantfwana
nalabasha.
1. Chazela bantfwana nalabasha sisusa sakho sekwenta loku lokwentako.
▪ Ungacabangi kutsi bayawucondzisisa masinyane tisusa takho
taloku lokwentako.
▪ Ubasite kwemukela loku lokucela kubo ngobe babona kutsi kuhle,
hhayi ngobe besaba sijeziso.
2. Yetfula ngalokucacile imitsetfo yakho.
▪ Kanengi bantfwana nalabasha abagcini imitsetfo
ngekungacabangi.
▪ Tsatsa sikhatsi sekubachazela kutsi ubhekani kubo.
▪ Bantfwana nalabasha bakhohlwa ngekushesha.
Ubakhumbute kanengi
3. Ubanike imitsetfo lelula kute bayikhumbule kalula.
▪ Kulukhuni kukhumbula luhlu loludze lwemitsetfo.
Luhlu loludze lwemitsetfo luhlupha bantfwana nalabasha, lubanga
sibhongo.
▪ Imitsetfo ayibe lula.
4. Yetama kucondzisisa loku lokwentekako etinhlitiyweni
nasetingcondvweni tabo.
▪ Bayakhula emtimbeni nasemoyeni.
▪ Bayetama kakhulu kutati.
▪ Badvonswa kakhulu ngesibonelo salabanye bantfwana nalabasha.
▪ Bayetama kukhululeka nekutimela ngaphandle kwabantfu
labadzala.
▪ Bafunisisa labo labangabalingisa.
5. Loku lokucela kubo kufanele kucondzakala.
▪ Kufanele kungabi lukhuni kakhulu.
▪ Kufanele kungabi lokunebulima.
7
|
|
1.8 Page 8 |
▲back to top |
▪ Bafanele kucondzisisa kutsi awuphindziseli.
6. Ubekhona endzaweni yakho embikwekutsi bantfwana nalabasha bafike.
▪ Loku kungavimbela bucakacaka lobukhulu.
▪ Ube khona eklilasini, ebaleni, eholeni, ndzawo tonke embi kwabo,
nome ubapheleketele lapho baya khona.
7. Ube nabo ngesikhatsi sonkhe lofanele kuba nabo ngaso.
Fika ngesikhatsi; ungabashiyi kute kube lomunye atsatse indzawo
yakho.
8. Yetama kucondzisisa lwati labanalo ngekuphila kwabo.
▪ Bantfwana nalabasha batsandza kukhuluma ngelwati lwabo
ngekuphila kwabo.
▪ Nangabe ucondza bunjani babo banyalo nelithemba labo
ngelikusasa labo, kungabasita kusebentisana nawe.
9. Yetama kutati tipho letinhle labanato nemakhono lamahle labanawo,
ubasite kukhula emoyeni ngekuwatfutfukisa nangekuwasebentisa.
▪ Bantfwana nalabasha batsandza kutsi sibheke tiphiwo tabo
letinhle kunekutsi sibheke butsakatsaka babo nemacala abo
netiphosiso tabo.
▪ Ngekucala ngetiphiwo letinhle labanato naloku labakwati
kukwenta kahle, ungabasita kancono kutsi babati butsakatsaka
babo nemacala abo netiphosiso nekutsi bacondze sidzingo
sekutincoba.
10. Ubanike ematfuba ekuhlanganyela emisebentini.
▪ Uma kungenteka yetama kunika bantfwana nalabasha
inhlanganyelo ekulungiseleni nasekufezeni imisebenti yonkhe.
▪ Nangabe bahlanganyela ekulungiseleni nasekufezeni imisebenti,
bangasebentisana kancono nawe.
▪ Ngekuhlanganyela ekulungiseleni nasekufezeni imisebenti
batawafundza emakhono lamasha.
11. Yetama kubeka embikwabo tinhloso letiphakeme, ubasite
kufundza lokunye ngako konkhe labakwentako.
12. Ubakhutsate kubuta imibuto nekwetfula tiphakamiso.
Bantwana nalabasha bayati kutsi ngaletinye tikhatsi imibuto yabo
ayemukeleki.
8
|
|
1.9 Page 9 |
▲back to top |
▪ Kanengi labadzala abatsandzi kutsi bantfwana nalabasha betfule
tincomo.
▪ Ubameme kubuta imibuto nekwetfula tiphakamiso.
Ngaletinye tikhatsi tiphakamiso tabo tingaba ncono kunetetfu!
13. Ungalungisi tiphosiso tabo embikwalabanye .
▪ Kuncono kulungisa tiphosiso ngasese.
▪ Ngekulungisa tiphosiso embikwalabanye umuntfu angashayiswa
ngemahloni, kungabanga sibhongo.
14. Uma ufanele kujezisa, yenta ngendlela lecondzakalako.
▪ Uma bantfwana nalabasha betsemba umcondzisi wabo, tijeziso
atidzingeki kanengi.
▪ Kanengi kwenele kukhombisa kutsi udvumele.
Sijeziso semtimba asivunyelwa nakancane.
▪ Jezisa nawuthulile, hhayi nawutfukutsele.
▪ Khombisa ngalokucacile kutsi awuphindziseli.
15. Khutsata esikhundleni sekwekhuta.
▪ Uma ukhutsata bantfwana nalabasha bakho, batakwati kutsi
uyabahlonipha. Loku kungabasita kwemukela teluleko takho
kalula.
▪ Akusiyo indzaba yekuyekela kulungiswa kwetiphosiso, kodvwa
yindzaba yekubona futsi tintfo letinhle tetimo tabo netiphiwo tabo.
16. Ubakhutsate kuhlatiya tindzaba kanye kanye nekwabelana
ngaloko labakufundzile.
▪ Ekugcineni kwelilanga lelihle nome lelibi, imphumelelo nome
sehluleko, ubameme kutsi bahlatiye loko labakwentile, nekutsi
babelane ngaloko labakufundzile.
▪ Ngekwenta njalo ubasita kufundza ngetimphumelelo tabo
nengetehluleko tabo.
▪ Uma bafundza kanye kanye, bonkhe bafundza kancono.
17. Ubasite kutfutfukisa emakhono ekucabanga.
▪ Bantfu labadzala labanengi betayele kunika bantfwana nalabasha
lwati lwabo ngetimo nangetentakalo nangetindzaba.
▪ Usite bantfwana nalabasha kutfutfukisa emakhono ekucabanga
kute batfole lwati lwabo ngetimo nangetentakalo emhlabeni.
▪ Badzinga kutfutfukisa lamakhono ngenca yelikusasa labo.
▪ Condza futsi kutsi nangabe batfutfukisa lamakhono abo bangasola
teluleko takho!
9
|
|
1.10 Page 10 |
▲back to top |
▪ Ngaletinye tikhatsi utawudzinga kubasita kucondza kutsi leminye
imibono yabo iphambene nesitfunti sebuntfu lobungibo
netimfundziso teliVangeli.
▪ Sita labasha labadvuna kucondza kutsi tinhlobo tonkhe
tekuhlukunyetwa nendluzula nelunya tiphambene nebudvodza
lobungibo.
▪ Sita labasha labasikati kutsi bacondze sitfunti sabo, bangesabi
kusho “CHA”.
18. Yetfula tinkinga takho kulabo labasebentisana kanye nawe.
▪ Lowo nalowo unelwati nengcondo nemibono lengakusita.
▪ Ungahlupheki uwedvwa, uthulile.
19. Cwaya kuphangisa ekwenteni tincumo.
▪ Yetama kuba nesimilo lesingagucuki njalo njalo.
▪ Licembu labacondzisi alibe nendlela lecondzakalako
yekuphendvula etimeni tonkhe nekutiphatsa lokulungile etimeni
tonkhe.
▪ Nangabe lowo nalowo anematsemba lowehlukene nekutiphatsa
lokwehlukene netindlela letehlukene tekuphendvula, bantfwana
nalabasha batawudzidzeka.
20. Utiphatse ngendlela lecondzakalako.
▪ Ungetami kwenta lokwendlula emandla akho.
▪ Ungesabi kucela lusito.
▪ Phumula uma ukhatsele.
▪ Kulukhuni kuba emkhatsini webantfwana nalabasha
ngekubakhona lokugcwele lutsandvo nemusa nangabe ukhatsele.
KUCOCISANA
1. Ngutiphi teluleko letisita wena lucobo?
2. Na ucabanga ngalemisebenti lesiyentako nangendlela lesiyenta ngayo,
kukhona yini tintfo letitsite letingacondzakali. Ngutiphi?
10
|
|
2 Pages 11-20 |
▲back to top |
|
|
2.1 Page 11 |
▲back to top |
INDLELA yaJOHN BOSCO YEKUSEBENTELA BANTFWANA
NALABASHA (2)
SISEKELO SESIBILI SENDLELA YAKHE SILUKHOLO.
1. Lukholo luyini?
❖ Ngekuvamile nasikhuluma ngelukholo nangebudlelwane bemuntfu
naNkulunkulu siyacabanga ngemfundziso yebukhristu nemikhubu
netinkonzo letisigaba setinkholo tonkhe.
Letimphawu letibonakalako telukholo timcoka, tiyadzingeka futsi,
ngobe sibantfu labanemtimba nemoya, tikhombisa ngendlela
lebonakalako lukholo lolukhona ekujuleni kwemoya wemuntfu.
❖ Kodvwa lukholo alusito tintfo letibonakalako kuphela.
▪ Embikwako konkhe lukholo lukhona ekujuleni kwemoya
wemuntfu.
▪ Lukholo lukhona ekujuleni kwenhlitiyo yemuntu, ngobe
kulowo nalowo muntfu kukhona kulangatela lokujulile
kwaNkulunkulu.
▪ Lukholo lusho kutsi kubona kubakhona kwaNkulunkulu
kulokudaliwe konkhe nasekuphileni kwebuntfu
nasemlandvweni webuntfu.
❖ Lukholo lusho kutsi kumati Nkulunkulu njengeMdali neMsindzisi
wetfu nekuphila ekukhanyeni kwalolukholo nekucondzisa kuphila
kwetfu kwemalanga onkhe ngetimfundziso talolukholo.
▪ Lukholo lolungilo lwendlula tinkonzo letibonakalako.
▪ Lukholo luyatibonakalisa futsi ngetentakalo telilanga
ngalinye.
▪ Kanengi tentakalo tebuntfu tingasinika lwati ngaNkulunkulu.
Ngalolwati bantfu bakwati kubhekana netimfihlakalo
letinengi ekuphileni kwabo – tifo, buhlungu, timphumelelo,
tehluleko, tinsayeya letivelako ekuphileni kwalowo nalowo
muntfu, njalo njalo.
❖ Ngalendlela lukholo lufuna kukhulula umuntfu endleleni yemphilo
lengenanjongo, endleleni yemphilo lephelelwa litsemba, endleleni
yemphilo lengenakulunga, lengenasibopho, lengenakutinikela.
Lukholo lunika kuphila kwebuntfu inhloso letselako titselo
letilungile.
11
|
|
2.2 Page 12 |
▲back to top |
2. John Bosco nelukholo.
❖ John Bosco wasungula indlela yakhe yekusebentela bantfwana
nalabasha etisekelweni letintsatfu: ingcondvo (kucocisana),
lukholo nelutsandvo nemusa.
▪ Letisekelo tiyahambelana.
▪ Lukholo lufanele kutsintsa ingcondvo nelutsandvo nemusa,
kute ticondziswe kancono. Nengcondvo nelutsandvo
nemusa tifanele kutsintsa lukholo.
▪ Ngako-ke, endleleni yaJohn Bosco lukholo lunesisindvo
lesikhulu.
❖ John Bosco abenelisekile kutsi losebentelako bantfwana
nalabasha ufanele kucondziswa ngelutsandvo loluvela
elutsandvweni lolungenamkhawulo lwaNkulunkulu
nasesibonelweni saJesu naseVangelini lakhe.
▪ John Bosco abenelisekile kutsi ngalendlela leyodvwa
lutsandvo lungakhula lolwendlula buhlobo lobufutfumele
nemiva.
▪ Ngaloluhlobo lwelutsandvo losebentela bantfwana
nalabasha utawcondza sitfunti lesikhulu salowo nalowo
embikwaNkulunkulu, ahloniphe imfihlakalo yekuphila
nelikusasa lakhe.
❖ Ingcondvo ifanele kucondziswa ngelukholo.
▪ Ngembono waJohn Bosco imfundvo ingumsebenti losekelwa
etikwelutsandvo lwaNkulunkulu, lodvonselako bantfu
kuNkulunkulu.
▪ Kutiphatsa lokulungile John Bosco lowakudala kuOratory
bekusitselo selukholo.
▪ Wenelisa bantfwana nalabasha bakhe kutsi lowo nalowo
wabo wadalwa ngemfanekiso waNkulunkulu. Kulokukholwa
kwavela kutihlonipha nekuhloniphana lokujulile.
▪ Na sivakashi saHulumende wakaEgilandi savakasha iOratory,
eTurin, sabona kusebentelana nekutiphatsa lokuhle
emkhatsini webantfwana nalabasha baJohn Bosco eOratory,
sabuta simangele kutsi kwakwenteka kanjani, John Bosco
wamtjela kutsi tifundvo telukholo nekutigcina tatinemandla
lamakhulu emfundvweni. John Bosco watsi kuso: “Yindzaba
yelukholo nome yesijeziso.”
12
|
|
2.3 Page 13 |
▲back to top |
3. Kugcinwa kwelukholo eOratory.
Kugcinwa kwelukholo eOratory kwatsintsa konkhe lobekwentiwa kuyo,
kwatsintsa imisebenti yonkhe, kwakhonjiswa ngetindlela letehlukene.
Singasho lokulandzelako.
❖ Indlela yekutiphatsa lecondziswa ngelukholo.
▪ Bonkhe labebafundzisa – bapristi, bothishela nebasiti
bonkhe - babetama kuphila ngendlela lelungile.
▪ Imifanekiso netiphambano netitfombe nemavesi
lakhutsatako tabekwa etibondzeni.
▪ Phapha Paul VI watsi imphumelelo yaJohn Bosco
bekunguleyi: John Bosco wetfula bantfwana nalabasha
bakhe kuNkulunkulu hhayi ngemnyango welisontfo kuphela,
kodvwa nangemnyango welishabhu neliklilasi
nangemnyango welibala lekudlala.
❖ Tigaba tonkhe tekuphila tabonwa ekukhanyeni kwetimfundziso
taNkulunkulu.
▪ Bebakwenta konkhe eOratory ngekulandzela kukhanya
kwetimfundziso taNkulunkulu nangekumsebentela.
John Bosco wagcizelela kubakhona lokutsandzekako
kwaNkulunkulu, nemphendvulo yekulalela nelutsandvo
kulokubakhona kwakhe lokutsandzekako.
Loko kwakungumtfombo wentfokoto leyayikhona eOratory.
Sicubelo sayo sasingulesi: “Sebentelani Nkulunkulu
ngentfokoto.”
❖ Kufundziswa kwelikhathekhisima.
Bantfwana nalabasha bafundziswa lukholo lolukhatholika.
▪ Bafundziswa emkhatsini weliviki esikolweni nangemaSontfo
embi nome emva kweliMisa.
▪ Kwelekelelwa ngekugubha emanovena nekugcina tinkonzo
tetinyanga letehlukene.
❖ Imikhuba yelukholo.
▪ Bebathandaza ekuseni nasekusihlwa, embi nasemuva
kwekudla, embi nasemuva kwemaklilasi, embi nasemuva
kwemisebenti. Inkonzo yeliMisa yagujwa ngelilanga ngalinye.
Bebatfola ematfuba ekuhlonipha Mariya nalabangcwele.
❖ EmaSakramente.
13
|
|
2.4 Page 14 |
▲back to top |
▪ John Bosco wakhutsata kakhulu kwemukelwa
kweliSakramente lekuvuma neliSakramente leliyiNgcwele
cwe laselathini, kute badale, bajulise budlelwane naJesu.
▪ Ngeletinye tikhatsi abevumisa ebaleni. Bantfwana nalabasha
bebashiya imidlalo, baya kuJohn Bosco kuvuma eceleni.
❖ Kutinikela emsebentini wekumemetela Jesu.
▪ John Bosco wasungula tinhlangano eOratory kute asite
bantfwana nalabasha kusebentela Nkulunkulu nebantfu
emkhatsini weOratory nangaphandle kwayo. Wafuna kutsi
bantfwana nalabasha bakhe babe baphostoli emkhatsini
walabanye bantfwana nalabasha.
❖ Kufunisisa bungcwele.
▪ John Bosco wagcizelela kutsi bonkhe babitelwa
ebungcweleni nekutsi lowo nalowo angaba loyingcwele.
Bungcwele buyini?
Bungcwele bungukuphila lokugcwele lutsandvo.
▪ John Bosco wenelisa bantfwana nalabasha bakhe kutsi
kwakulula kuba labayingcwele ngekwenta imisebenti
levamile yelilanga ngalinye ngebunaka, bakhombise
lutsandvo kuNkulunkulu ngayo.
4. Bungcwele balabasha.
❖ Bungcwele buyindlela yekugcina lukholo.
❖ John Bosco wadala bungcwele balabasha.
❖ Lobungcwele bebunenhloso yekusita bantfwana nalabasha
kubona kutsi lukholo lwabo lufanele kubonakala ekutiphatseni
kwabo kwemalanga onkhe.
❖ Tihloko letisihlanu letilandzelako tibufinyeta.
▪ Bungcwele bemphilo yemalanga onkhe.
➢ Sihlangana naNkulunkulu emisebentini lesivamile
kuyenta ngalelo nalelo langa.
➢ Sihlangana naNkulunkulu kulabobantfu lesihlangana
nabo ngelilanga ngalinye.
➢ Sidala, sijulise budlelwane betfu naNkulunkulu
ngekucondza kubakhona kwakhe lokutsandzekako
ekuphileni kwetfu kwemalanga onkhe
nasebudlelwaneni betfu nalabobantfu lesitungeletwe
ngabo onkhe emalanga.
14
|
|
2.5 Page 15 |
▲back to top |
▪ Bungcwele bentfokoto nelitsemba.
John Bosco wasita bantfwana nalabasha bakhe kutsi
bakhutsale ekwenteni imisebenti levamile yemalanga onkhe
njengetifundvo, imithandazo, imidlalo, netimfanelo tonkhe,
ngentfokoto.
Wakhuthata bukhuphekhuphe, imidlalo, kugijima, kugalaja,
kutfokota; naye wabeketelela kulomsindvo
nakulobukhuphekhuphe bonkhe eOratory.
▪ Bungcwele lobunebudlelwane naJesu.
John Bosco abesita bantfwana nalabasha bakhe kutsi
bacondze bumcoka bakubakhona kwaJesu emphilweni yabo
yemalanga onkhe nekujulisa budlelwane babo naJesu,
longumngani nathishela neMsindzisi nemtfombo wekuphila
kwabo.
▪ Bungcwele lobuphilwa emphakatsini wemakholwa.
➢ Lukholo lolungilo lwebukhristu lusho kutsi kubakhona
emphakatsini wemakholwa loliBandla.
➢ Emphakatsini wemakholwa siyakhula ebungcweleni
ngemaSakramente nangebunye betfu nalamanye
emakholwa nangekuhlanganyela emisebentini
yemphakatsi wemakholwa.
Umuntfu ngumuntfu ngebantfu.
Umfundzi waJesu ungumfundzi waJesu ngebafundzi
baJesu.
Futsi-ke emphakatsini wemakholwa sihlangana
naMariya, uNina waJesu neNina wemphakatsi
wemakholwa, losendvulelako, losipheleketelako,
losicondzisako eluhambweni lwetfu lwelukholo.
▪ Bungcwele bekutinikela.
➢ Kutinikela lokutfobile yinhlitiyo yelukholo lolungilo.
Umphostoli Johane watsi: “Lutsandvo silwati ngaloku
kutsi yena wanikela ngekuphila kwakhe ngenca yetfu;
natsi-ke kufanele sinikele ngekuphila kwetfu ngenca
yabazalwane. Nangabe umuntfu anako kwelive bese
ubona umzalwane wakhe loswele, angamhawukeli,
angasho kanjani kutsi lutsandvo lwaNkulunkulu luhlala
enhlitiyweni yakhe?”
(1 Johane 3:16 - 17)
15
|
|
2.6 Page 16 |
▲back to top |
➢ Kuphila kwetfu kwelukholo kuyasikhutsata kutsi
sincobe kutitsandza ngalokwecile, kute sikwati kudzela
kuphila kwetfu ngenca yalabanye.
Kutinikela kuvela elutsandvweni lolungilo.
Kutinikela kufanele kuba luphawu lolubonakalako
lwelukholo lwetfu lwebukhristu.
16
|
|
2.7 Page 17 |
▲back to top |
INDLELA yaJOHN BOSCO YEKUSEBENTELA BANTFWANA
NALABASHA (3)
Lutsandvo nemusa kusisekelo sesitsatfu sendlela yaJohn Bosco yekusebentela
bantfwana nalabasha.
Lesisekelo simcoka kakhulu endleleni yakhe yekusebentela bantfwana
nalabasha.
❖ Lutsandvo nemusa kusho kutsi budlelwane lobugcwele lutsandvo
nemusa emkhatsini webantfu.
Sisekelo nemtfombo walobudlelwane kulutsandvo lwaNkulunkulu.
❖ Umcondzisi (umphatsi, thishela) utsandza bantfwana nalabasha
ngelutsandvo lolufanako nalolu Nkulunkulu labatsandzako ngalo.
Lutsandvo lufanele kubonakala nekuviwa.
John Bosco watsi: “Akukeneli kutsandza bantfwana nalabasha. Kufanele
bati kutsi bayatsandvwa.”
❖ Imfundvo yindzaba yenhlitiyo, hhayi yengcondvo kuphela nje.
Ngalamanye emavi kwetsembana kudzingeka kakhulu emsebentini
wemfundvo.
❖ Kwetsembana kuvela elutsandvweni.
Lutsandvo luvela ebudlelwaneni.
Budlelwane buvela ekubakhoneni.
Kubakhona kufanele kubonakala ngetimphawu netento.
❖ Sita bantfwana nalabasha kucondza sithunti sabo nekutfutfukisa
kutihlonipha.
❖ Beka tinhloso letiphakeme embikwabo, ubakhutsate kuncoba
butsakatsaka babo.
YETAMA KUDALA SIMO LESISITAKO IMFUNDVO.
❖ Dala simo lesigcwele intfokoto, imidlalo, kubambisana nebuntfu
lobungibo.
❖ Dala simo lapho bantfwana nalabasha bangakhula khona, babe bantfu
labalungile.
❖ Dala simo lapho bangaphila khona sengatsi basemindenini.
❖ Dala simo lesigcwele kwetsembana.
John Bosco watsi: “Imfundvo yindzaba yenhlitiyo.”
Kanengi kulesikhatsi sanyalo emhlabeni wonkhe jikelele imfundvo
yindzaba yengcondvo kuphela. Kanengi kuphasa kuyinjongo yinye
yemfundvo. John Bosco wagcizelela kutsi imfundvo yindzaba
yengcondvo nenhlitiyo. Nasitsi imfundvo yindzaba yenhlitiyo sisho kutsi
ngemfundvo sifanele kusita bantfwana nalabasha kukhula kahle kute
babe bantfu labalungile, hhayi bantfu labanemakhono ekwenta
17
|
|
2.8 Page 18 |
▲back to top |
imisebenti kuphela nje. Labanye banemakhona ekwenta imisebenti,
kodvwa bate emakhono ekudala budlelwane nalabanye bantfu.
❖ Imfundvo ayisiyo indzaba yekuphumelela ekuhlolweni kuphela nje.
❖ Imfundvo lengiyo isho kutsi kufundzisa indlela lengiyo yekutiphatsa.
Kufundzisa indlela lengiyo yekutiphatsa kusita bantfwana nalabasha
kudala budlelwane lobutsandzekako, budlelwane lobunakekelako,
budlelwane lobungafuni kusebentisa labanye ngenca yelusito lwabo.
Budlelwane lobungibo bebuntfu bungeke budalwe nangabe lomunye
aphatsa lomunye sengatsi uyintfo nje lengasetjentiswa ngenca yelusito
lwakhe.
❖ Inkhululeko idzingeka kakhulu ebudlelwaneni lobungibo bebuntfu.
❖ Inkhululeko idzingeka kakhulu ebudlelwaneni emkhatsini walabasha
labadvuna nalabasha labasikati. Nenhlonipho idzingeka kakhulu
ebudlelwaneni emkhatsini webantfu labadvuna nebantfu labasikati.
❖ Umsimeto lapho labadvuna banesitfunti lesendlulako sitfunti
salabasikati khona sifanele kulahlwa ngalokuphelele.
KUTSINTSANA NALABANYE BANTFU KUMCOKA.
❖ Umcondzisi udzinga kutsintsana nebantfwana nalabasha bakhe.
❖ Umcondzisi udzinga kwati imindeni yabo nesimo sekuphila kuyo.
❖ Umcondzisi udzinga kwati tinkhatsato netinkinga tabo.
Kutsintsana kucala ngetimphawu tenhlonipho netelutsandvo netelwati.
❖ Siyabemukela ebunjanini lesikhandza kubo khona manje, sicale khona
kubasita kutsi bakhule, bagucule indlela yabo yekutiphatsa.
BUDLELWANE LOBUSITAKO IMFUNDVO.
❖ Lowo nalowo unesibopho sekutfutfukisa kuphila kwakhe.
❖ Akusiwo umsebenti wathishela kwemuka lesibopho sebantfwana
nalabasha, kodvwa kungumsebenti wakhe kusivusa nekusikhanyisela
kute bakwati kukhetsa ngenkhululeko ekukhanyeni kwalokulungile
netinhloso letilungile.
Livi lelisho ‘to educate’ (kufundzisa) livela evini leSilathini ‘educare’ .
Lelivi lisho kutsi ‘kudvonsa’ hhayi ‘kutsela’. Lisho kutsi kudvonsa
lokukhona ekhatsi, hhayi kutsela lokuvela ngaphandle.
Imfundvo ayisiyo indzaba yekutsela lwati etingcondvweni
talabafundzako, kodvwa yindzaba yekuvusa etingcondvweni tabo
kulangatela nekutimisela kufundza.
❖ Umcondzisi unesigaba lesimcoka. Ngekubakhona kwakhe angabanika
seluleko nesitselo selwati lwakhe. Ngekumati nangekumetsemba
bantfwana nalabasha bangasitwa kulandzela sibonelo sakhe.
18
|
|
2.9 Page 19 |
▲back to top |
❖ Umcondzisi ufanele kwemukela bantfwana nalabasha ebunjanini
labakhandzako kubo khona manje, acale kubasita kutsi bakhule,
bagucule kutiphatsa kwabo uma kudzingeka.
❖ Esimeni lapho sibakhandza khona manje ngulapho Nkulunkulu
lakhetsile kubamema kutsi bacale luhambo lwekuphila kwabo konkhe.
❖ Sifanele kucondza kubeketela kwaNkulunkulu lesifanele kukulingisa.
❖ Sifanele kucondza kutsi lowo nalowo usesimeni siphi embikwekumnika
teluleko nekucondziswa.
KUBAKHONA.
❖ Kubakhona kusigaba lesimcoka sendlela yaJohn Bosco yekusebentela
bantfwana nalabasha.
❖ John Bosco wacondza sisekelo selutsandvo nemusa njengekubakhona
lokugcwele lutsandvo nemusa nebudlelwane bemcondzisi emkhatsini
webantfwana nalabasha.
❖ John Bosco wabita kubakhona lokunjalo ‘ASSISTANCE’.
Kulukhuni kuhumusha lelivi ngesiSwati. Singetama ngekusho:
‘KUBAKHONA LOKUSITAKO’.
❖ Umphristi Lemoyne lowabhala umlandvo wemphilo yaJohn Bosco, watsi
lutsandvo lwakhe lwebantfwana nalabasha belunje:
▪ John Bosco lucobo lwakhe abekhona emkhatsini webantfwana
nalabasha njalonjalo, aya ecenjini ngalinye.
▪ Bona bangacondzi, John Bosco ngekucocisana nabo watfola kutsi
bebaphila kanjani emoyeni nekutsi bebadzingani.
▪ Kulomunye abenyenyeta seluleko endlebeni yakhe; kulomunye
abemnika seluleko macondana nekutiphatsa kwakhe; kulomunye
abekhutsata kutsi emukele emaSakramente. Abelibele sikhashana
nalabo lababenesitunge nalabadvumele, etama kubatfokotisa.
Yena lucobo abejabulile njalonjalo, amoyitela, kodvwa abebheka
konkhe ngemehlo lacaphelako.
(BM 111 – pp 79-80)
John Bosco wabatjela futsi, atsi: “Ngikhona emkhatsini wenu
imizuzu yonkhe emini nasebusuku ngenca yenhlalakahle yenu.”
(BM VII pp 302)
KUBAKHONA LOKULONDVOLOTAKO.
❖ John Bosco abenelitsemba lelijulile nakakhutsata bantfwana nalabasha
bakhe kutsi babe nesibopho macondana nekuphila kwabo. Watsi:
“Nome babantfwana labangakalungi banekulunga lokuncanyane nje
ekujuleni kwetinhlitiyo tabo. Kungumsebenti wetfu kukuvusa”
19
|
|
2.10 Page 20 |
▲back to top |
❖ Kodvwa abecondza simo semphilo yabo njengobe besinjalo. Watjela
basiti bakhe kutsi ‘bantfwana nalabasha kanengi abagcini imitsetfo
ngekungacabangi, hhayi ngenjongo lembi, ngekungabi nebaphatsi
labalungile, hhayi ngetinhloso letimbi.’
(BM IV – pp 386)
Abecondza simo setinhlitiyo tebantfwana nalabasha nabafika etikolweni
takhe. Abecondza kutsi emkhatsini webantfwana nalabasha labeta
kuOratory labanye bebangakalungi, labanye bebangakwati kutiphatsa
kahle, labanye bebafuna kutijabulisa nje, labanye bebangafuni
nakancane lokulungile, labanye bebavilapha, nekutsi bangadvonsela
labanye ebubini ngetibonelo tabo letimbi.
(BM IV – pp 395)
Banengi babo bebasandza kuphuma ejele nasekuphileni etitaladini.
❖ Kubakhona lokulondvolotako bekudzingeka kutsi bavinjelwe
kudvonsela labanye ebubini.
KUBAKHONA LOKUCHUBEKISA LOKULUNGILE.
❖ Ngembono waJohn Bosco ngekubakhona lokuvikelako abefuna
kuvimbela bantfwana nalabasha bakhe kuwela ebubini, kodvwa
ikakhulu ngembono wakhe abefuna ngekubakhona lokulondvolotako
kutsi bemukele sibopho macondana nekuphila kwabo nekutsi
ngekubambisana kwabo abasite kutfola tindlela letilungile tekwenta
njalo.
❖ Nakanika bacondzisi bakhe teluleko John Bosco watsi: “Yetamani kuba
khona emkhatsini webantfwana nalabasha, nichitse sikhatsi lesinengi
nabo. Yetamani kunyenyeta livi lemusa etindlebeni tabo eceleni
nanitfola kutsi kuyadzingeka.
(BM V – pp 449)
INDLELA YEKUVIMBELA yaJOHN BOSCO ISHO KUTSI:
❖ Kuba khona emkhatsini webantfwana nalabasha nangaloku kukhombisa
umnako ngekuphila kwabo.
Kuba khona emkhatsini webantfwana nalabasha ngekubakhona
lokunebudlelwane lobufutfumele, hhayi njengemphatsi kuphela nje.
Kuba khona emkhatsini webantfwana nalabasha ngekubakhona
lokukhutsatako, kute ubavikele ebubini, uchubekise lokungabasita
kukhula emoyeni.
❖ Kuba khona emkhatsini webantfwana nalabasha ngekubakhona
lokuphilisako, ubakhutsate kuhlanganyela ekulungiseleni nasekufezeni
20
|
|
3 Pages 21-30 |
▲back to top |
|
|
3.1 Page 21 |
▲back to top |
imisebenti yonkhe nekwemukela sibopho ngelikusasa labo,
ubapheleketele eluhambweni lwabo lwekukhula njengebantfu labangibo.
Kuba khona emkhatsini webantfwana nalabasha ngekubakhona
lokufakazako.
Kulunga lokubonakalako emphilweni yathishela kutawusita bantfwana
nalabasha kucabanga ngekutiphatsa kwabo nangelikusasa labo.
TELULEKO NGEKUBAKHONA LOKUSITAKO.
❖ Ngembono waJohn Bosco kubakhona lokusitako akusiyo indlela
yekucindzetela bantfwana nalabasha kugcina imitsetfo.
❖ Kubakhona lokusitako kusho kutsi kubakhona lokugcwele lutsandvo
nemnako.
❖ Kubakhona lokusitako kusho kutsi lokulandzelako:
▪ Kutsatsa sinyatselo sekucala. Kuhlangana nebantfwana nalabasha
lapho bakhona nekungesabi kuba emkhatsini wabo nekudala
buhlobo nabo.
Kuba emkhatsini webantfwana nalabasha.
John Bosco watjela bantfwana nalabasha bakhe, watsi: “Lapha
emkhatsini wenu ngiva ngitfokotile kakhulu. Kimi kuphila kusho
kutsi kuba nani lapha njalonjalo.”
(BM IV – pp 455)
Kucocisana nabo ngetindzaba labatitsandzako nangemisebenti
labayitsandzako.
▪ Kuba umoya munye nemcondvo munye nabo. Kukhombisa likhono
lokucondzisisa ngekujulile tintfo labatitsandzako, kodvwa
kungakhohlwa umsebenti wetfu njengebacondzisi.
▪ Kuphakamisa.
Kuphakamisa imisebenti, kunika imicabango, kunika seluleko nelwati
nekubakhutsata kutsi babelane emacenjini.
▪ Kufakaza.
Kukhombisa ngemavi nangetento lokulunga lophila ngako, kute
bakubone. Kutimisela kubachazela lukholo lwakho.
“Kepha mngcweliseni Khristu abe yiNkhosi etinhlitiyweni tenu,
nimhloniphe, nihlale nilungele kubaphendvula bonkhe labanibuta
ngelitsemba lelikini.”
(1 Petrus 3:15)
▪ Kuvimbela.
21
|
|
3.2 Page 22 |
▲back to top |
Yetamani kucondza imikhawulo netingoti bantwana nalabasha
labahlangana nato ekukhuleni kwabo netintfo letingabalimata
emtimbeni nasemoyeni.
▪ Kudala simo lesilungile.
Dalani simo lesigcwele kulunga nebudlelwane lobufutfumele lapho
kuso bantfwana nalabasha bangakhula khona emoyeni
nasemtimbeni.
▪ Kupheleketela.
Ngekucocisana lokubeketelako sitani bantfwana nalabasha kutsi
ngenkhululeko batikhetsele lokulungile neliciniso lokungabacondzisa
ekuphileni kwabo.
▪ Kubanika sibopho.
Kubasita kwemukela sibopho sekudala umoya lolungile etimeni
tonkhe labangatikhandza kuto.
▪ Kubakhutsata kufunisisa ematfuba lamasha ekusebentisana:
ngesikhatsi sekuphumula, ngekuvakashela labanye labasha,
ngekutsintsana emkhatsini wemacembu lahlukene lalabasha,
ngekugujwa kwetinkonzo talabasha, njalonjalo.
KUKHONA TINDLELA LETINTSATFU TEKUPHENDVULA SIMO SALABASHA.
1. Kungabanaki nakancane – kungabenteli lutfo.
2. Kubasola – kubona emacala netiphosiso tabo kuphela nje.
3. Kuba nemnako ngabo nekubasebentela nekubafundzisa.
❖ Kodvwa sifanele kucondza kutsi asikwati kwemukela imicabango yabo
yonkhe nekutiphatsa kwabo konkhe.
❖ Kukhona tiphosiso letentiwa ngabo netindlela letingakalungi
tekutiphatsa lesingakwati kutemukela.
❖ Siyakulahla konkhe lokuphambene naKhristu neliVangeli lakhe, nako
konkhe lokuphambene nebuntfu lobungibo kulesikhatsi samanje.
❖ Kodvwa siyachubeka kuba khona emkhatsini wabo kute sibasite
kuncoba konkhe lokuphambene naKhristu.
22
|
|
3.3 Page 23 |
▲back to top |
INDLELA yaJOHN BOSCO YEKUSEBENTELA BANTFWANA
NALABASHA (3)
Lutsandvo nemusa kusisekelo sesitsatfu sendlela yaJohn Bosco yekusebentela
bantfwana nalabasha.
Lesisekelo simcoka kakhulu endleleni yakhe yekusebentela bantfwana
nalabasha.
❖ Lutsandvo nemusa kusho kutsi budlelwane lobugcwele lutsandvo
nemusa emkhatsini webantfu.
Sisekelo nemtfombo walobudlelwane kulutsandvo lwaNkulunkulu.
❖ Umcondzisi (umphatsi, thishela) utsandza bantfwana nalabasha
ngelutsandvo lolufanako nalolu Nkulunkulu labatsandzako ngalo.
Lutsandvo lufanele kubonakala nekuviwa.
John Bosco watsi: “Akukeneli kutsandza bantfwana nalabasha. Kufanele
bati kutsi bayatsandvwa.”
❖ Imfundvo yindzaba yenhlitiyo, hhayi yengcondvo kuphela nje.
Ngalamanye emavi kwetsembana kudzingeka kakhulu emsebentini
wemfundvo.
❖ Kwetsembana kuvela elutsandvweni.
Lutsandvo luvela ebudlelwaneni.
Budlelwane buvela ekubakhoneni.
Kubakhona kufanele kubonakala ngetimphawu netento.
❖ Sita bantfwana nalabasha kucondza sithunti sabo nekutfutfukisa
kutihlonipha.
❖ Beka tinhloso letiphakeme embikwabo, ubakhutsate kuncoba
butsakatsaka babo.
YETAMA KUDALA SIMO LESISITAKO IMFUNDVO.
❖ Dala simo lesigcwele intfokoto, imidlalo, kubambisana nebuntfu
lobungibo.
❖ Dala simo lapho bantfwana nalabasha bangakhula khona, babe bantfu
labalungile.
❖ Dala simo lapho bangaphila khona sengatsi basemindenini.
❖ Dala simo lesigcwele kwetsembana.
John Bosco watsi: “Imfundvo yindzaba yenhlitiyo.”
Kanengi kulesikhatsi sanyalo emhlabeni wonkhe jikelele imfundvo
yindzaba yengcondvo kuphela. Kanengi kuphasa kuyinjongo yinye
yemfundvo. John Bosco wagcizelela kutsi imfundvo yindzaba
yengcondvo nenhlitiyo. Nasitsi imfundvo yindzaba yenhlitiyo sisho kutsi
ngemfundvo sifanele kusita bantfwana nalabasha kukhula kahle kute
babe bantfu labalungile, hhayi bantfu labanemakhono ekwenta
23
|
|
3.4 Page 24 |
▲back to top |
imisebenti kuphela nje. Labanye banemakhona ekwenta imisebenti,
kodvwa bate emakhono ekudala budlelwane nalabanye bantfu.
❖ Imfundvo ayisiyo indzaba yekuphumelela ekuhlolweni kuphela nje.
❖ Imfundvo lengiyo isho kutsi kufundzisa indlela lengiyo yekutiphatsa.
Kufundzisa indlela lengiyo yekutiphatsa kusita bantfwana nalabasha
kudala budlelwane lobutsandzekako, budlelwane lobunakekelako,
budlelwane lobungafuni kusebentisa labanye ngenca yelusito lwabo.
Budlelwane lobungibo bebuntfu bungeke budalwe nangabe lomunye
aphatsa lomunye sengatsi uyintfo nje lengasetjentiswa ngenca yelusito
lwakhe.
❖ Inkhululeko idzingeka kakhulu ebudlelwaneni lobungibo bebuntfu.
❖ Inkhululeko idzingeka kakhulu ebudlelwaneni emkhatsini walabasha
labadvuna nalabasha labasikati. Nenhlonipho idzingeka kakhulu
ebudlelwaneni emkhatsini webantfu labadvuna nebantfu labasikati.
❖ Umsimeto lapho labadvuna banesitfunti lesendlulako sitfunti
salabasikati khona sifanele kulahlwa ngalokuphelele.
KUTSINTSANA NALABANYE BANTFU KUMCOKA.
❖ Umcondzisi udzinga kutsintsana nebantfwana nalabasha bakhe.
❖ Umcondzisi udzinga kwati imindeni yabo nesimo sekuphila kuyo.
❖ Umcondzisi udzinga kwati tinkhatsato netinkinga tabo.
Kutsintsana kucala ngetimphawu tenhlonipho netelutsandvo netelwati.
❖ Siyabemukela ebunjanini lesikhandza kubo khona manje, sicale khona
kubasita kutsi bakhule, bagucule indlela yabo yekutiphatsa.
BUDLELWANE LOBUSITAKO IMFUNDVO.
❖ Lowo nalowo unesibopho sekutfutfukisa kuphila kwakhe.
❖ Akusiwo umsebenti wathishela kwemuka lesibopho sebantfwana
nalabasha, kodvwa kungumsebenti wakhe kusivusa nekusikhanyisela
kute bakwati kukhetsa ngenkhululeko ekukhanyeni kwalokulungile
netinhloso letilungile.
Livi lelisho ‘to educate’ (kufundzisa) livela evini leSilathini ‘educare’ .
Lelivi lisho kutsi ‘kudvonsa’ hhayi ‘kutsela’. Lisho kutsi kudvonsa
lokukhona ekhatsi, hhayi kutsela lokuvela ngaphandle.
Imfundvo ayisiyo indzaba yekutsela lwati etingcondvweni
talabafundzako, kodvwa yindzaba yekuvusa etingcondvweni tabo
kulangatela nekutimisela kufundza.
❖ Umcondzisi unesigaba lesimcoka. Ngekubakhona kwakhe angabanika
seluleko nesitselo selwati lwakhe. Ngekumati nangekumetsemba
bantfwana nalabasha bangasitwa kulandzela sibonelo sakhe.
24
|
|
3.5 Page 25 |
▲back to top |
❖ Umcondzisi ufanele kwemukela bantfwana nalabasha ebunjanini
labakhandzako kubo khona manje, acale kubasita kutsi bakhule,
bagucule kutiphatsa kwabo uma kudzingeka.
❖ Esimeni lapho sibakhandza khona manje ngulapho Nkulunkulu
lakhetsile kubamema kutsi bacale luhambo lwekuphila kwabo konkhe.
❖ Sifanele kucondza kubeketela kwaNkulunkulu lesifanele kukulingisa.
❖ Sifanele kucondza kutsi lowo nalowo usesimeni siphi embikwekumnika
teluleko nekucondziswa.
KUBAKHONA.
❖ Kubakhona kusigaba lesimcoka sendlela yaJohn Bosco yekusebentela
bantfwana nalabasha.
❖ John Bosco wacondza sisekelo selutsandvo nemusa njengekubakhona
lokugcwele lutsandvo nemusa nebudlelwane bemcondzisi emkhatsini
webantfwana nalabasha.
❖ John Bosco wabita kubakhona lokunjalo ‘ASSISTANCE’.
Kulukhuni kuhumusha lelivi ngesiSwati. Singetama ngekusho:
‘KUBAKHONA LOKUSITAKO’.
❖ Umphristi Lemoyne lowabhala umlandvo wemphilo yaJohn Bosco, watsi
lutsandvo lwakhe lwebantfwana nalabasha belunje:
▪ John Bosco lucobo lwakhe abekhona emkhatsini webantfwana
nalabasha njalonjalo, aya ecenjini ngalinye.
▪ Bona bangacondzi, John Bosco ngekucocisana nabo watfola kutsi
bebaphila kanjani emoyeni nekutsi bebadzingani.
▪ Kulomunye abenyenyeta seluleko endlebeni yakhe; kulomunye
abemnika seluleko macondana nekutiphatsa kwakhe; kulomunye
abekhutsata kutsi emukele emaSakramente. Abelibele sikhashana
nalabo lababenesitunge nalabadvumele, etama kubatfokotisa.
Yena lucobo abejabulile njalonjalo, amoyitela, kodvwa abebheka
konkhe ngemehlo lacaphelako.
(BM 111 – pp 79-80)
John Bosco wabatjela futsi, atsi: “Ngikhona emkhatsini wenu
imizuzu yonkhe emini nasebusuku ngenca yenhlalakahle yenu.”
(BM VII pp 302)
KUBAKHONA LOKULONDVOLOTAKO.
❖ John Bosco abenelitsemba lelijulile nakakhutsata bantfwana nalabasha
bakhe kutsi babe nesibopho macondana nekuphila kwabo. Watsi:
“Nome babantfwana labangakalungi banekulunga lokuncanyane nje
ekujuleni kwetinhlitiyo tabo. Kungumsebenti wetfu kukuvusa”
25
|
|
3.6 Page 26 |
▲back to top |
❖ Kodvwa abecondza simo semphilo yabo njengobe besinjalo. Watjela
basiti bakhe kutsi ‘bantfwana nalabasha kanengi abagcini imitsetfo
ngekungacabangi, hhayi ngenjongo lembi, ngekungabi nebaphatsi
labalungile, hhayi ngetinhloso letimbi.’
(BM IV – pp 386)
Abecondza simo setinhlitiyo tebantfwana nalabasha nabafika etikolweni
takhe. Abecondza kutsi emkhatsini webantfwana nalabasha labeta
kuOratory labanye bebangakalungi, labanye bebangakwati kutiphatsa
kahle, labanye bebafuna kutijabulisa nje, labanye bebangafuni
nakancane lokulungile, labanye bebavilapha, nekutsi bangadvonsela
labanye ebubini ngetibonelo tabo letimbi.
(BM IV – pp 395)
Banengi babo bebasandza kuphuma ejele nasekuphileni etitaladini.
❖ Kubakhona lokulondvolotako bekudzingeka kutsi bavinjelwe
kudvonsela labanye ebubini.
KUBAKHONA LOKUCHUBEKISA LOKULUNGILE.
❖ Ngembono waJohn Bosco ngekubakhona lokuvikelako abefuna
kuvimbela bantfwana nalabasha bakhe kuwela ebubini, kodvwa
ikakhulu ngembono wakhe abefuna ngekubakhona lokulondvolotako
kutsi bemukele sibopho macondana nekuphila kwabo nekutsi
ngekubambisana kwabo abasite kutfola tindlela letilungile tekwenta
njalo.
❖ Nakanika bacondzisi bakhe teluleko John Bosco watsi: “Yetamani kuba
khona emkhatsini webantfwana nalabasha, nichitse sikhatsi lesinengi
nabo. Yetamani kunyenyeta livi lemusa etindlebeni tabo eceleni
nanitfola kutsi kuyadzingeka.
(BM V – pp 449)
INDLELA YEKUVIMBELA yaJOHN BOSCO ISHO KUTSI:
❖ Kuba khona emkhatsini webantfwana nalabasha nangaloku kukhombisa
umnako ngekuphila kwabo.
Kuba khona emkhatsini webantfwana nalabasha ngekubakhona
lokunebudlelwane lobufutfumele, hhayi njengemphatsi kuphela nje.
Kuba khona emkhatsini webantfwana nalabasha ngekubakhona
lokukhutsatako, kute ubavikele ebubini, uchubekise lokungabasita
kukhula emoyeni.
❖ Kuba khona emkhatsini webantfwana nalabasha ngekubakhona
lokuphilisako, ubakhutsate kuhlanganyela ekulungiseleni nasekufezeni
26
|
|
3.7 Page 27 |
▲back to top |
imisebenti yonkhe nekwemukela sibopho ngelikusasa labo,
ubapheleketele eluhambweni lwabo lwekukhula njengebantfu labangibo.
Kuba khona emkhatsini webantfwana nalabasha ngekubakhona
lokufakazako.
Kulunga lokubonakalako emphilweni yathishela kutawusita bantfwana
nalabasha kucabanga ngekutiphatsa kwabo nangelikusasa labo.
TELULEKO NGEKUBAKHONA LOKUSITAKO.
❖ Ngembono waJohn Bosco kubakhona lokusitako akusiyo indlela
yekucindzetela bantfwana nalabasha kugcina imitsetfo.
❖ Kubakhona lokusitako kusho kutsi kubakhona lokugcwele lutsandvo
nemnako.
❖ Kubakhona lokusitako kusho kutsi lokulandzelako:
▪ Kutsatsa sinyatselo sekucala. Kuhlangana nebantfwana nalabasha
lapho bakhona nekungesabi kuba emkhatsini wabo nekudala
buhlobo nabo.
Kuba emkhatsini webantfwana nalabasha.
John Bosco watjela bantfwana nalabasha bakhe, watsi: “Lapha
emkhatsini wenu ngiva ngitfokotile kakhulu. Kimi kuphila kusho
kutsi kuba nani lapha njalonjalo.”
(BM IV – pp 455)
Kucocisana nabo ngetindzaba labatitsandzako nangemisebenti
labayitsandzako.
▪ Kuba umoya munye nemcondvo munye nabo. Kukhombisa likhono
lokucondzisisa ngekujulile tintfo labatitsandzako, kodvwa
kungakhohlwa umsebenti wetfu njengebacondzisi.
▪ Kuphakamisa.
Kuphakamisa imisebenti, kunika imicabango, kunika seluleko nelwati
nekubakhutsata kutsi babelane emacenjini.
▪ Kufakaza.
Kukhombisa ngemavi nangetento lokulunga lophila ngako, kute
bakubone. Kutimisela kubachazela lukholo lwakho.
“Kepha mngcweliseni Khristu abe yiNkhosi etinhlitiyweni tenu,
nimhloniphe, nihlale nilungele kubaphendvula bonkhe labanibuta
ngelitsemba lelikini.”
(1 Petrus 3:15)
▪ Kuvimbela.
27
|
|
3.8 Page 28 |
▲back to top |
Yetamani kucondza imikhawulo netingoti bantwana nalabasha
labahlangana nato ekukhuleni kwabo netintfo letingabalimata
emtimbeni nasemoyeni.
▪ Kudala simo lesilungile.
Dalani simo lesigcwele kulunga nebudlelwane lobufutfumele lapho
kuso bantfwana nalabasha bangakhula khona emoyeni
nasemtimbeni.
▪ Kupheleketela.
Ngekucocisana lokubeketelako sitani bantfwana nalabasha kutsi
ngenkhululeko batikhetsele lokulungile neliciniso lokungabacondzisa
ekuphileni kwabo.
▪ Kubanika sibopho.
Kubasita kwemukela sibopho sekudala umoya lolungile etimeni
tonkhe labangatikhandza kuto.
▪ Kubakhutsata kufunisisa ematfuba lamasha ekusebentisana:
ngesikhatsi sekuphumula, ngekuvakashela labanye labasha,
ngekutsintsana emkhatsini wemacembu lahlukene lalabasha,
ngekugujwa kwetinkonzo talabasha, njalonjalo.
KUKHONA TINDLELA LETINTSATFU TEKUPHENDVULA SIMO SALABASHA.
4. Kungabanaki nakancane – kungabenteli lutfo.
5. Kubasola – kubona emacala netiphosiso tabo kuphela nje.
6. Kuba nemnako ngabo nekubasebentela nekubafundzisa.
❖ Kodvwa sifanele kucondza kutsi asikwati kwemukela imicabango yabo
yonkhe nekutiphatsa kwabo konkhe.
❖ Kukhona tiphosiso letentiwa ngabo netindlela letingakalungi
tekutiphatsa lesingakwati kutemukela.
❖ Siyakulahla konkhe lokuphambene naKhristu neliVangeli lakhe, nako
konkhe lokuphambene nebuntfu lobungibo kulesikhatsi samanje.
❖ Kodvwa siyachubeka kuba khona emkhatsini wabo kute sibasite
kuncoba konkhe lokuphambene naKhristu.
28
|
|
3.9 Page 29 |
▲back to top |
INDLELA YEKUVIMBELA yaJOHN BOSCO YEKUSEBENTELA
BANTFWANA NALABASHA. (4)
Kungabonakala kutsi indlela yaJohn Bosco yekusebentela bantfwana
nalabasha luhlelo lwalabasebentela bantfwana nalabasha kuphela.
Kodvwa sibonile kutsi indlela yekuvimbela yaJohn Bosco ifanele kutsintsa
tigaba tonkhe tekuhamba kwetfu.
❖ Ifanele kutsintsa ngalokugcwele lukholo lwetfu kuNkulunkulu.
❖ Ifanele kutsintsa ngalokugcwele budlelwane betfu bonkhe nalabanye
bantfu.
❖ Ifanele kutsintsa ngalokugcwele indlela yetfu yekuphila emphakatsini
ngelutsandvo lolukwati kudvonsela labanye elutsandvweni.
❖ Lomphakatsi ungaba:
▪ umphakatsi wetindzela.
▪ umphakatsi wemndeni.
▪ umphakatsi wesikolo.
▪ umphakatsi walabasha.
▪ Umphakatsi wemakholwa
▪ Umphakatsi emsebentini.
❖ Tisekelo letintsatfu tendlela yekuvimbela yaJohn Bosco nguleti:
▪ Ingcondvo (kucocisana)
▪ Lukholo.
▪ Lutsandvo nemusa.
❖ Singacondza bumcoka baletisekelo emndenini.
❖ Timcoka ikakhulu kulesikatsi samanje ngobe budlelwane emindenini
leminengi bubutsakatsaka kakhulu.
❖ Indlela yekuvimbela yaJohn Bosco yindlela batali labangaphila ngayo
emindenini ngemoya weliVangeli.
Indlela yekuvimbela yaJohn Bosco isho kutsi:
❖ Kuhlala emkhatsini webantfu.
❖ Kubati kahle.
❖ Ngako-ke, batali bobabili bafanele kuba khona emndenini ngekuba
khona lokugcwele luthando nemusa nekunakekela kusukela elangeni
lemshado wabo.
❖ Ngaloku batawucinisa ngelilanga ngalinye tetsembiso labatentile
enkonzweni yeliSakramente lemshado tekutsandzana ngelutsandvo
lolwetsembekile kute kube sekufeni.
29
|
|
3.10 Page 30 |
▲back to top |
❖ Ngalendlela futsi batawudala umoya welutsandvo, kuthula nekuvana
emndenini, nalomoya utawutsintsa kukhula kwebantwana babo
emoyeni nasetimbeni nasengcondvweni nasenhlitiyweni.
INDLELA YEKUVIMBELA yaJOHN BOSCO YINDZABA YENHLITIYO.
❖ Batali bafanele kuba khona emndenini ngendlela legcwele lutsandvo
nemusa nekunakekela, bemukele kutinikela lokudzingekako kute bente
njalo.
❖ Kwenta umntfwana lokusho kutsi kuba batali kusho kutsi kwemukela
sibopho lesikhulu.
▪ Kusho kutsi kusita umuntfu lomusha lodaliwe ngemfanekiso
waNkulunkulu kute akhule kahle emoyeni nasemtimbeni
nasengcondvweni nasehlitiyweni.
▪ Batali bafanele kucala kudala budlelwane nebantfwana babo
lobugcwele lutsandvo nemusa nebunakekela kusukela elangeni
lekutalwa kwabo.
Kwenta njalo batali bobabili bafanele kutsandzana ngelutsandvo
lolunekutinikela nekudzela kwekuphila kwabo ngenca
yebantfwana babo.
▪ Batali badzinga kubati bantfwana babo nebantfwana badzinga
kubati batali babo. Bangenta njalo kuphela ngekuhlala kanye
kanye emndenini.
▪ Bantfwana badzinga kwati nekuva lutsandvo lwebatali babo, kute
bative kutsi bayatsandzeka.
▪ Kutiva kutsi bayatsandzeka kudala kutihlonipha.
▪ Kutihlonipha kudzingeka kakhulu, kute bantfwana bakwati kudala
budlelwane lobungibo nalabanye emuva ekuphileni kwabo.
SISEKELO SEKUCALA SENDLELA YEKUVIMBELA yaJOHN BOSCO –
INGCONDVO (KUCOCISANA)
❖ Kufanele kutsi batali bakwati kuhlala phansi nekucocisana ngetigaba
tonkhe tekuhlala kwabo.
❖ Kucocisana kuyadzingeka emkhatsini webatali nebantfwana ikakhulu
nasebakhula-khulile.
❖ Kodvwa kucocisana kufanele kuba khona kusukela ekucaleni
kwekuphila kwabo emndenini.
❖ Nangabe kungekho kusukela ekucaleni kwekuphila kwabo emndenini,
bantfwana bangeke bemukele kalula teluleko tebatali nasebakhula-
khulile, betamela kutimela, kodvwa basadzinga kucondziswa.
30
|
|
4 Pages 31-40 |
▲back to top |
|
|
4.1 Page 31 |
▲back to top |
TELULEKO LETINGELEKELELA
1. Khulumani nebantfwana benu, nibachazele tizatfu taloku lenifuna kutsi
bakwente.
2. Anibasite kulalela loku lenifuna kutsi bakwente, ngobe babona kutsi
kulungile, hhayi ngobe besabe sijeziso.
3. Anibakhumbute kanengi ngaloku lenikubheka kubo. Bantfwana
nalabasha bakhohlwa ngekushesha.
4. Anibasite kukhula kute babe bantfu labalungile nebafundzi
labetsembekile baJesu.
5. Ningakhonondzi njalo njalo ngebutsakatsaka netiphosiso tabo.
Yetamani kutati tiphiwo letinhle labanato nemakhono lamahle labanawo,
nibababate ngato.
Ngekubona emakhono abo netiphiwo tabo naloku labakwati kukwenta
kahle, ningabasita kubona tiphosiso nebutsakatsaka babo, nekucondza
kutsi bafanele kubuncoba.
6. Kukhutsata esikhundleni sekwekhuta.
▪ Nangabe nikhutsata bantfwana benu ngekutiphatsa lokuhle
netiphiwo tabo, batakwati kutsi niyabahlonipha, nabo
batawemukela teluleko tenu kancono kakhulu.
▪ Akusiyo indzaba yekuyekela kulungiswa kwetiphosiso tabo,
kodvwa yindzaba yekugcizelela futsi tiphiwo tabo naloko
labakwati kukwenta kahle.
SISEKELO SESIBILI SENDLELA YEKUVIMBELA yaJOHN BOSCO –
LUKHOLO
Nasikhuluma ngelukholo setayele kusho kutsi kuphila lokucondziswa
ngetimfundziso teliVangeli laJesu.
❖ Lukholo lusho kutsi:
▪ kulati lukholo lwetfu.
▪ kugubha lukholo lwetfu.
▪ kuphila ngelukholo lwetfu ngelilanga ngalinye.
▪ lukholo luhambo lwekuphila kwetfu konkhe kanye naJesu
emphakatsini wemakholwa, sicondziswa ngetimfundiso takhe,
setama kudvonsela labanye eluhambweni lwetfu naJesu, kute
basipheleketele kuloluhambo lwelukholo.
▪ Ngako-ke, kuloluhambo lwelukholo kanye naJesu emphakatsini
wemakholwa sibitelwa:
➢ kumati Jesu nekujulisa lolulwati ngaye.
➢ kugcina lolukholo emindenini nasemphakatsini wemakholwa
nasesiveni.
31
|
|
4.2 Page 32 |
▲back to top |
❖ LiBandla leliKhatholika ligcizelela njalo njalo kutsi batali babothishela
bekucala bebantfwana babo. Ngabo labanesibopho sekubafundzisa
lukholo.
❖ Lukholo lufuna kukhulula bantfu endleleni yemphilo lengenanjongo,
endleleni yemphilo lephelelwa litsemba, endleleni yemphilo
lengenakulunga, endleleni yekuphila lengenasibopho, lengenakutinikela.
Lukholo lunika kuphila kwebantfu inhloso letselako titselo letilungile.
Batali bafanele kuba belusi labalungile emndenini wabo:
▪ ngekukhombisa indlela yekuphila lokulungile.
▪ ngekukhombisa indlela ngekunakekela kutsi Jesu ukhona
emndenini.
▪ ngekukhombisa indlela ngekumati Jesu neliVangeli lakhe nekusita
labanye emndenini kumati.
▪ ngekwetama kuphila liVangeli lelutsandvo emndenini.
▪ Ngekudala umoya welukholo emndenini ngekuba netikhatsi
tekuthandaza kanye kanye, ngekufundza livi laNkulunkulu
emndenini, ngekuba kanye kanye emphakatsini wemakholwa
ngemaSontfo.
▪ Lokusebentisana kwebatali kudzingeka kakhulu, kute kufundziswa
kwelukholo kutsele titselo letingito.
KUGCINA LUKHOLO EMNDENINI
Lukholo lufanele kutsintsa tigaba tonkhe tekuphila emndenini. Batali bafanele
kwetama kudala umoya welukholo emndenini:
❖ ngesibonelo sabo lesihle nekutiphatha kwabo lokuhle.
❖ ngekucondza kubakhona lokutsandzekako kwaNkulunkulu emndenini,
nekusita bantfwana kucondza nekuva lokubakhona kwaNkulunkulu
emndenini.
❖ ngekunakekela kutsi bantfwana babo bati lukholo lwabo.
❖ ngekuthandaza ngekwetsembeka emndenini nasesontfweni.
❖ Ngekwemukela liSakramente lekucoliswa(kuvuma) neliSakramente
leliyiNgcwele cwe laselathini, nangawo kudala nekujulisa budlelwane
babo naJesu.
❖ Ngekwabelana nalabaphuyile ngaloku labanako, nekunakekela kutsi
bantfwana babone kutsi bayabasita labaphuyile nesizatfu sekwenta
njalo.
❖ Ngekwetama kuba labayingcwele.
John Bosco wagcizelela kutsi bonkhe babitelwa kuba labayingcwele
nekutsi lowo nalowo angaba loyingcwele. Wenelisa bantfwana
nalabasha bakhe kutsi kwakulula kuba labayingcwele ngekwenta
32
|
|
4.3 Page 33 |
▲back to top |
imisebenti levamile yelilanga ngalinye ngekucaphela, ngekunaka,
bakhombisa lutsandvo kuNkulunkulu ngayo.
❖ Batali bafanele kwenta imisebenti levamile yelilanga ngalinye
ngekunaka nangekwenta njalo bachubeka endleleni yebungcwele.
SISEKELO SESITSATFU SENDLELA YEKUVIMBELA yaJOHN BOSCO –
LUTSANDVO NEMUSA.
Lutsandvo nemusa kudzingeka kakhulu emndenini.
❖ Lutsandvo nemusa kusho kutsi budlelwane lobugcwele lutsandvo
nemusa.
❖ Sisekelo nemtfombo walolutsandvo ulutsandvo lwaNkulunkulu.
❖ Kufanele kutsi lutsandvo lubonakale emndenini.
John Bosco watsi: “Akukeneli kutsandza bantfwana nalabasha. Kufanele
bati kutsi bayatsandvwa.”
❖ Kwetsembana kuvela elutsandvweni.
❖ Lutsando luvela ebudlelwaneni.
❖ Budlelwane buvela ekubakhoneni.
❖ Kubakhona kudala budlelwane lobufutfumele.
❖ Kubakhona kufanele kubonakala ngetimphawu nengetento.
❖ Kufanele kutsi batali bacondze kutsi kubakhona kwabo lokugcwele
lutsandvo nemusa nekunakekela kumcoka ngekwendlula konkhe
lokunye labangakunika bantfwana babo.
❖ Batali bafanele kudala umoya welutsandvo nemusa nekuthula nekuvana
nentfokoto emndenini.
❖ Kubakhona lokugcwele lutsandvo nemusa nekuvana nekuthula
nentfokoto kumcoka kakhulu endleleni yekuvimbela yaJohn Bosco.
Kubakhona lokugcwele lutsandvo nemusa nekuvana nekuthula
nentfokoto kumcoka emndenini.
❖ Batali babitelwa kudala kubakhona lokunje emndenini.
❖ Kusebenta kumcoka kute sitiphilise, siphilise imindeni yetfu.
❖ Kodvwa batali bafanele kuba nesikhatsi emndenini kanye nebantfwana
babo.
❖ Ngaletinye tikhatsi batali baphosisa ngekunika bantfwana babo konkhe
labakucelako kute babathulise.
❖ Ngaletinye tikhatsi batali bacwaya kutinikela lokudzingekako
ekukhuliseni bantfwana babo ngekubanika tintfo nje.
❖ Loku bantfwana labakudzingako ngekwendlula konkhe lokunye
ngukubakhona kwebatali lokugcwele lutsandvo nemusa nekunakekela
nekutinikela nekuthula nentfokoto.
Batali bafanele kwetama kudala imindeni:
33
|
|
4.4 Page 34 |
▲back to top |
▪ lapho bantfwana bati kutsi bayatsandvwa.
▪ lapho bantfwana bafundziswa kutsi kutsandvwa akusiyo indzaba
yekwemukela kuphela nje, kodvwa yindzaba yekunikela
ngekwephana.
▪ lapho kulangatela kwabo kwekunikela kwendlula sifiso sabo
sekwemukela.
▪ lapho kutinikela yindlela yekuphila.
▪ lapho kudzela kuphila ngenca yalabanye yindlela yekuphila
❖ Batali bafanele kuba nesikhatsi sekuhlala phansi nebantfwana babo,
sekuphumula nebantfwana babo, sekuchitsa sikhatsi nebantwana babo,
sekucocisana nebantfwana babo, sekubasita kucondza tilingo netingoti
labatungeletwa ngato nekudala kutihlonipha (self-esteem) kute
bangancotjwa ngetibonelo talabanye bantfwana nalabasha.
34