1909 / Missionari del Giappone / 1937-8-… /

ai Missionari del Giappone, diocesani e di ogni Ordine Religioso

Agosto 1937

Rev. Pater,

Laeto animo tibi communico quod in Praef. Apost. Miyazaki, obtenta debita licentia S. Congr. Prop. Fidei (16 Jun. 1937) erigitur nova Congregatio religiosa indigena foeminilis cui nomen SORORES CHARITATIS YAPONENSES.

Huius Congregationis finis specialis est propagatio fidei operibus charitatis tam corporalibus quam spiritualibus sive in beneficentiae institutis pro senibus, pro S. Infantiae pueris, pro orphanis, sive in nosocomiis Instituti vel in assistentia infirmorum in domibus, sive in scholis, in officinis, praediis et generaliter in socialis assistentiae operibus.

Huius Congregationis domus primaria est in Hospitio Miyazaki. Primae 5 Novitiae abhinc die 29 mensis augusti apud Visitationis Sorores Fukuoka novitiatum incoeperunt.

Commendo tuis orationibus et fidelium novam institutionem et pro gloria Dei et salute animarum in Yaponia enixe rogo ut velis nos adiuvare ad acquirendas bonas et multas vocationes novae Congregationi.

Ad dilucidationes cuiuscunque generis relate ad novam Congregationem religiosam foveas scribere admodum Rev. P. A. Cavoli = Katorikku Kyokai = MIYAZAKI.

Commendo quoque me et meos cotidie orationibus tuis.

Addictissimus in Christo Jesu

Don V. Cimatti