997 /Murret, M.M. / 1932-9-20 /

al Padre Murret, M.M., missionario in Manciuria¹

Al P. Murret, M. M. Missionario in Manciuria

Informazioni su un certo Ito

Takanabe, 20 settembre [1932]

Rev. Pater,

Ad tuas litteras datatas 9 sept. 1932 fidenti voce respondeo. Revera rogator Ito magister et catechista fuit nobiscum unum et alterum annum. Pervenit nobis cum litteris commendatitiis admodum Rev. Episcopi Okayama Mons. Ross, S. J. et missionarii Shimonoseki apud quem exercuit apostolatum.

Sanitas corporis bona, sed identidem nevrastenia capitis aegrotat. Studia: apud protestantes ad studia animum appulit (Semmon gakko), et documenta studiorum subiicere potest.

A protestantesimo ad catholicismum transivit. Nos, Ito disciplinam religionis valde exiguam – ut effectus probant – existimantes, suum catechistae apostolatum finem fecimus, et ob inopiam missionis nostrae et in missione pro Ito cum alter labor non esset, sine mora commeatus datus est. E contra in educatione alumnorum paganorum feliciter evenit.

Ito anglicam linguam satis non ignorat. Hanc et religionis studium augendi causa apud scholas Jesuitarum in America septentrionali aut apud vestram Congregationem desiderio fragrat.

Ad salutem eius et ad proprietatem suae pauperis vitae enixe commendo. Si aliquis ex vobis Ito praesto esset et consiliis regeret, certe felices habuerit exitus.

Ante discessum a Miyazaki, proh dolor! contra missionem nostram inter amicos suos calumnias et mendacia evulgavit, et pro bono pacis et charitatis imploratam pecuniam erogavi: sed cor nostrum maximo dolore affectus est. Sed pro salutem animae eius Ito tibi commendo. Pro juvenibus bene fecit. Religionis studium et opera fìdei pro viribus augeri debet. Cum capite laborat satis difficilis homo. Uxor debilis sanitate, feminarum naturae impedimento praesefert praecipue linguae. Filios non habet.

In fide…

Don V. Cimatti