Omnipotens et misericors Deus,

qui beatum Bronislaum, presbyterum,

custodem et patrem derelictorum adulescentium elegisti,

praesta, quaesumus,

ut, eius exemplo temperantiae et operositatis vitae incitati,

voluntatem tuam fidéliter expleri valeámus.

Per Dominum.

Die 7 februarii

Beati Pii IX, papae

De Communi pastorum: pro papa

Collecta

Deus, qui famulo tuo Pio, papae,

spiritum fortitudinis inter adversa praebuisti

et inviolatam Ecclesiae fidem intimius perscrutare fecisti,

eius intercessione concede,

ut eodem spiritu imbuamur

eademque devotione vivamus.

Per Dominum.

Die 9 februarii

Beatae Eusebiae Palomino Yenes, virginis

( Apud FMA: Memoria )

De Communi virginum

Deus, qui cor beatae Eusebiae, virginis,

in pascháli mysterio Filii tui,

usque ad donum vitae formam condidisti,

praesta quaesumus,,

ut, eius humilitatis ac laetitiae exémplo roboráti,

in tua dilectione et in páuperum servitio

iugiter crescere valeámus.

Per Dominum.

Die 29 maii

Memoria

(Apud FMA et VDB: Memoria ad libitum)

De Communi martyrum: pro uno martyre

Collecta

Deus Pater, qui in beato Iosepho, presbytero,

sanctitatis desiderium suscitasti,

atque alacritatem ad vitam pro Christi amore offerendam,

concede nobis, per eius intercessionem,

ut nostrae vocationi fidelitatem servare valeámus

et crucem, quae via est salutis, diligamus.

Per Dominum.

Die 12 iunii

Beati Francisci Kęsy et Sociorum, martyrum

De Communi martyrum: pro pluribus martyribus

Collecta

Deus, qui beatis Francisco et sociis martyribus,

eorum iuvenili aetate sanctitatis gratiam tribuisti,

renova mirabilia tui Spiritus

ut nos quoque, tui amoris causa,

quaelibet adversa oppetere valeámus

atque obviam tibi, qui vera es vita,

ardenter ambulemus.

Per Dominum.

Die 7 iulii

Beatae Mariae Romero Meneses, virginis

( Apud FMA: Memoria )

De Communi virginum

Collecta

Deus, Pater totius consolationis,

qui populo tuo miserationis et gratiae documenta procuras,

concede nobis ut, intercedente beata Maria [Romero], virgine,

possimus et ipsi consolari eos qui in omni pressura sunt

et in die iudicii inter benedictos advocari.

Per Dominum.

Die 2 augusti

Beati Augusti Czartoryski, presbyteri

De Communi pastorum, vel de Communi sanctorum: pro religiosis

Collecta

Omnípotens et miséricors Deus,

qui beátum Augustum, presbyterum,

ad sequelam Filii tui, qui e divite egenum se fecit,

vocare voluisti,

concede propítius, ut, eius enutriti exémplo

et dóciles ad actiónem Spíritus Sancti,

te in iuvénibus egentióribus humíliter servire valeámus.

Per Dominum.

Die 26 augusti

Beati Zephyrini Namuncurá

De Communi sanctorum

Collecta

Deus, qui in beato Zephyrino

fúlgidum exemplum sanctitatis iuvénibus praebuisti,

concede quaesumus ut, eo intercedente,

in patientia et caritate opera cotidie perficientes,

ad adventum regni tui conferámus.

Per Dominum.

Die 22 septembris

Beatorum Iosephi Calasanz Marqués et Henrici Sáiz Aparicio, presbyterorum, et Sociorum martyrum

Memoria

De Communi martyrum: pro pluribus martyribus

Collecta

Omnípotens sempiterne Deus,

qui beatis Iosepho [Calasanz] et Henrico [Sáiz], presbyteris, et sociis martyribus

pro Christo pati donásti,

nostrae quoque fragilitáti divínum praetende subsidium,

ut sicut illi pro te mori non dubitarunt,

ita nos fortes in tua confessione vívere valeámus.

Per Dominum.

Die 5 octobris

Beati Alberti Marvelli

De Communi Sanctorum

Collecta

Deus, fons vitae et sanctitatis,

qui Beatum Albertum [Marvelli] ardenti erga pauperes caritate

et in socialis communitatis moderatione

evangelico testimonio decorasti,

concede nobis, eius intercessione,

ut terrena sapienter perpendentes

indefesso omnibus servitium promoveámus.

Per Dominum.

Die 13 octobris

Beatae Alexandrinae Mariae da Costa, virginis

De Communi virginum

Collecta

Misericors Deus,

qui Ecclésiam tuam beatae Alexandrinae Mariae exemplo

Passioni Filii tui arctius coniúnctae illustráre dignátus es,

ut tam cultus Eucharistiae quam devotio ad Cor Immaculatum Mariae

in singulis mundi regionibus inflammarentur,

concéde nobis ut, eius intercéssione,

tabernáculum Spiritus Sancti

et veri testes tuae caritatis éffici valeámus.

Per Dominum.

Die 13 novembris

Beati Artemidis Zatti, religiosi

Memoria

( Apud FMA et VDB Memoria ad libitum)

De Communi sanctorum: pro religiosis

Collecta

Deus, qui in humilibus et parvulis

gratiae tuae magnalia mirabiliter ostendis,

te supplices exoramus ut, beato Artemide intercedente,

in fratribus infirmitate mentis et corporis laborantibus,

vultum Christi clarius in dies intuére valeámus.

Per Dominum.